D’Kandidat:inne vun der Biergerlëscht „Mat iech!“

Gerards Nicolas

Ech wëll aktiv fir d’Wuel vun der Gemeng schaffen. Ech wënsche mir, meng Talenter a meng Fäegkeeten zu Ärem Virdeel kënnen anzesetzen.

Heftrich (ép. Fiume) Vicky

Ech gi mat an d’Walen, wëll mir d‘Duerf an d’Gemeng Esch-Sauer an virun allem seng Awunner um Häerzen leien.

Hilger Laurent

An de leschte 6 Joer hunn ech d’Gemengepolitik kenne geléiert an et huet mir gefall eist direkt Ëmfeld kënne mat ze gestalten.

Hocq Benoit

Ech géif gären, zesumme mat iech, konkret a nohalteg Léisunge fannen, fir eise Wunnraum an eis Ëmwelt, eist Wuelbefannen an eis Liewensqualitéit zesummen a fir jiddereen ze verbesseren.

Leger (ép. Federspiel) Nathalie

Mat iech well ech mech an de nächsten Joren engagéieren fir méi Liewen a Faarf an eis Gemeng ze bréngen an eis wonnerschéin Dierfer rëm opbléien ze loossen.

Origer Roger

Dat sozialt Engagement war nach ëmmer ee wichtegen Deel a mengem Liewen.

Pereira Gonçalves Franco (dit Fränk)

Ech hat d’Geleeënheet, wärend 6 Joer als jéngste Schäffen- a Gemengerotsmember mat erfuerenen a motivéierte Politiker däerfen ze schaffen.

Jeannot Sanavia

No 24 Joer an der Gemengepolitik ass  et mer nach ëmmer wichteg mech fir d’Leit anzesetzen.

Schank Jenny

Ech sinn iwwerzeegt, dass mir méi Fraen an der Politik brauchen, an op menger Aarbecht encouragéiren ech meng Schüler a Schülerinne sech fir hir Iddien a Wäerter anzesetzen.

Scholtes Pol

Sou wéi ech mech an de Veräiner a Kommissiounen engagéieren a versichen nei Ideën ëmzesetzen, wëll ech mech an Zukunft och um Niveau vun der Gemeng abréngen.

Welter (ép. Missavage) Mireille

Vu Natur aus sinn ech eng Persoun déi gären zilorientéiert an effikass schafft a matgestalt. Ech sinn empathesch, kontaktfreedeg an hunn een oppent Ouer.

Eise Walprogramm